هو انا عملت حاجه غلط , ده انا بتعرف عليها "

بسم الله الرحمن الرحيمـ

اصدقائى الاعزاء
اعضاء قهوة المصريين
بعد التحيات والسلامات ,,


فى ناس كتير جدا فى حياتنا بياخدوا اماكـن غلط
وم يصلحوا للمنصب اللى بيتم ترشيحهم ليه

مثال
واحد حرامـى سارق البلد فى 10 مليون
وفجاة تلاقيه مترشح لمنصب فى مجلس الشعب والناس توافق عليه
بتزوير ومن غير تزوير

ده فساد سياسـى

مثال تانـى
شاب طايش ومقضيها كلامـ مع البنات وسهر
ويكلم دى ويسيب دى وفجاة
يقرر يبقى داعيه اسلامـى
وياخد الدين والاخلاق ستارة عشان يعرف يتكلم براحته
ويهزر براحته وتيجـى تسأله يقولك
" يا اخى انها اختى فى الاسلام "

مش عارف انهى اسلام ده اللى بيقوله
عك واتعرف وهزر واضحك مع بنات وستات
مرتبطين او متجوزين او حتى مراهقين

حتى الموضوع ده
بيحصل فى المنتدياتعلى النت

تلاقـى الشاب من دول داخل بأكونت ودايركت ع القسم الاسلامـى
وعامل فيها داعيه ويعمل توبيكات دينيه واخلاقيه
واول م يقدر يبعت رسايل
تفوجىء انه باعت رساله لواحده يقولها
ممكن نتعرف انتى اصل انتى اسمك فى المنتدى عجبنـى
" طيب يا شيخ احترم حتى الرساله اللى انت بتأديها "
وتيجى تكلمه يقولك
" هو انا عملت حاجه غلط , ده انا بتعرف "

طيب اية اللى يخليك تتعرف على بنت
حتى لو البنت هى اللى جتلك بردو تفضل عند موقفك ومتقضيهاش
ضحك وهزار ودلع وطبعا الكلام بيطور بعد كدا فى الرسايل
ويبدأ يقولها هاتى اميلك
والعينات دى انا بشوفها كتير اوى
وسمعت عنها حواديت كتير جداااااااا حقيقيه
وبعد الاميل يهزر ويلعب وممكن اشوف صورتك
وياخد تليفونها ويقولك انا بحبك
وطبعا الكلام ده بيتكرر كوبى وبسط لخمسين بنت
ويقولى لدى متقوليش لحد انى بكلمك
ويقول للتانيه متقوليش للأولانيه انى بكلمك
وشغال كذب وتحوير على البنات

والبنات دى كمان مشتركه معاه لانها بتديله فرصه يعمل كدا

حتى البنات نفس النظامـ
شغاله رسايل وجذب للشباب وتتعرف على 100 واحد
فى الثانيه الواحده وتنطيط من هنا لهنـا
وتسألها تقولك
" انا بحبه فى الله "

يا حجه مينفعش الكلام ده ومفيش واحده تقول كدا لواحد
وطبعا تتعرف على ده وده وده وده وده
ودووول
وتعرض نفسها لكلمه حلوة من ده وهزار من ده
وكل ده اسمه عك وغلط ومش فى اطار نظم معظم المنتديات

ده حتى فى قهوتنا هنا بيقولك اخر جمله فى الصفحه


جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها

جميع المواضيع والمشاركات
يعنى مقالش الرسايل
الهدف الرئيسى فى المنتدى يا شباب
الافاده والتسليه بالمواضيع والمشاركات
مش التسالى ببعض
ومع كل ذلكـ فى الاخـر يفضل
اللى عاوز يتسلى يتسلى براحته
بس بيضيع كتير من عمره

مش هطول كتير
بس السؤال

الشاب ده بيستفيد اية لما يقعد يكلم بنات ع الاميل ؟

هيستفيد اية لما يشوف صورتها وياخد نمرتها ؟

هى هتستفيد اية لما تتجاوب معاه وتديله فرصه مش من حقه ؟

هى هتستفيد اية لما تفضل تكلم 100 واحد سواء فيس ولا ميل ولا منتدى ولا واتس اب ولاهوت ولا ولا ولا ؟؟






بقلمـــى

إسـمـاعيل سميـر

.::. تحياتى لكمـ .::.